Patpatgek a gayyem, no kas pagarigan matay
ka ita, ammom kadi no mapan ka idiay langit
wenno idiay impierno?

SAOEN TI BIBLIA, TI SAO TI DIOS, NGA MABALIN
MO NGA MAAMMOAN.

Patgek a gayyem, saludsodek man kenka dagiti
importante nga saludsod iti bayat ti panagbiag mo.
Ti sungbat mo ket isu ti mangikeddeng no sadinno
ti papanam no pumanaw ka ditoy daga - biag nga
agnanayon idiay langit wenno idiay impierno. Ti
saludsod ket: NAISALAKAN KA KADIN?

  Saan mi a saludsoden no miembro ka iti maysa
a simbaan, wenno di ket no naisalakan kan? Saan
mi a kayat a maammoan no nasingpet ka ken
addaan ka iti nadalus a panagbiag iti immatang ti
tao, no di ket no naisalakan ka kadin? Saan mi met
a saludsoden no ti panangkitam ti bagim ket
Kristianokan (ta adu ti mangibaga nga Kristiano
da ngem saan da met nga ammo ti kinapudno ti
pudno a Kristiano), no di ket no naisalakan ka
kadin? Ti Biblia kunaen na a masapul a maisa-
lakan ka kadin? Ti Biblia kunaen na a masapul a
maisalakan tayo (Aramid 4:12).

AWATEM A MANAGBASOL KA. "Kas kuna ti Nasan-
toan a Surat: Awan ti uray maysa a nalinteg a tao,"
Roma 3:10. "Awan ti uray maysa nga agaramid iti
naimbag," Roma 3:12. "Nagbasol amin a tao ket
adayoda iti panangisalakan ti Dios," Roma 3:23.

AMIRISEM MET NGA ADDA MAYSA NGA MANGAY-AYAT
KENKA KET NATAY GAPU KENKA. Ni Jesu-Christo ket
binayadan na amin dagiti basbasol mo babaen ti
pannakatayna idiay krus, tapno makapanka idiay
langit. "Ngem impakita ti Dios ti ayatna kadatayo:
Idi managbasoltayo pay laeng, natay ni Cristo
gapu kadatayo!" Roma 5:8. Idi natay ni Jesus idiay
krus, ti Darana ti bayad ti basbasol mo. "Gapu
Kenkuana nawayawayaantayo - napakawan dagiti
basoltayo," Colosas 1:14.

AMIRISEM NGA SAAN MO A MABALIN NGA ULOEN
TI IPAPAN IDIAY LANGIT. Binayadan aminen ni
Jesus idi natay idiay krus Sakbay a natay kinuna-
na, "Natungpalen" Juan 19:30b. Ni Jesus ket kayat-
naka nga "ikkan" iti balay idiay langit. "...biag nga
agnanayon ti isagut ti Dios gapu iti pannakipag-
maymaysatayo ken Cristo Jesus nga Apotayo,"
Roma 6:23.

AMIRISEM NGA NO ISALAKANNAKA NI JESUS
DAYTA KET BIAG NGA AGNANAYON IDIAY LANGIT.
Ni Jesus ket saan a nagpatingga iti pannakatay. Isu
ket nagungar ket sibibiag nga agnanayon idiay
langit tapno ikararagan na dagiti mamati ken
agtalek Kenkuana. "Inyawatko kadakayo ti kang-
runaan nga inawatko: a natay ni Cristo gapu
kadagiti basoltayo, kas nailanad iti Nasantoan a
Surat; a naitanem ket napagungar iti maikatlo nga
aldaw, kas nailanad iti Nasantoan a Surat," I
Corinto 15:3,4.

"Isut gapuna nga awan pagkurangan ti panangisa-
lakanna kadagiti umasideg iti Dios babaen
Kenkuana agsipud ta agbiag nga agnanayon a
mangibabaet kadakuada iti Dios," Hebreo 7:25.

BABAEN TI PAMMATI, AWATEM NI JESU-CRISTO A
KAS MANGISALAKAN MO. Ni Jesus ket natay tapno
maited ti regalo - biag nga agnanayon iti
siasinnoman. Ngem kas regalo, daytoy ket awan ti
balor na no saan mo nga "awaten" a para kenka.
"Ngem kadagiti amin nga immawat ken namati
Kenkuana, inikkanna ida ti kalintegan nga agbalin
nga annak ti Dios," Juan 1:12.

  Ti pammati ket naimpapusuan a panagtalek
ken iti isu amin mo. Kuna ti Biblia nga "naisa-
lakankayo babaen ti pammati" nga awanan ti
nayon. "Ta gapu ti parabur ti Dios, naisalakankayo
babaen ti pammati. Saanyo a bukod nga aramid no
di ket sagut ti Dios. Awan ti mabalinyo a pag-
tangsit ta saanyo nga aramid," Efeso 2:8,9.

  Ti pammati a makaisalakan ket isu ti completo
ken pudno a pammati ken Jesu-Cristo. "Mamatika
ken ni Apo Jesus ket maisalakankanto," Aramid
16:31a.

  Ti aniaman nga inayonmo iti pammati ket
"aramid." "Ta ibilangtayo a mapalinteg ti tao iti
sangoanan ti Dios babaen ti pammati laeng, ket
saan a babaen ti panangtungpalna iti Linteg,"
Roma 3:28.

  Patpatgek a kararua, no kayatmo nga isardeng
ti aramid mo a bukod (ta awan mamaayna) ket
mamatika a naimpapusuan ken Jesus, ita met
laeng ket maisalakanka. Adda dayta kenka.

  Agdumog ka ket agkararag ka ken Apo Dios iti
bukod mo a kararag ket aklunem a maysa ka a
managbasol nga mapan idiay impierno, ken iti
amin a pusom ket mamati ka ken Jesu-Cristo a

Mangisalakanmo, ket baliwan na ti panagbiag mo.

  Kunaen ti Biblia, "Ta no babaen ti bibigmo,
ipaduyakyakmo ni Jesus nga isu ti Apo, ket patiem
iti pusom a pinagungar ti Dios, maisalakankanto,"
Roma 10:9. "Ti siasinnoman nga umawag iti
nagan ti Apo, maisalakanto," Roma 10:13.

  Gayyem, no saan mo pay nga inawat a maysaka
a managbasol ken namati ken Jesu-Cristo, basaem
ti kunaen ti Biblia, ti Sao ti Dios, "Naukomen ti di
mamati agsipud ta saan a namati iti kakaisuna nga
Anak ti Dios," Juan 3:18b.

   No kasapulam ti tumulong kenka a mangawat
a naan-anay ti Sao ti Dios maipanggep iti pan-
nakaisalakan, kasta met a no inawatmon ni Jesu-
Cristo a kas Mangisalakanmo ket kayatmo ti
dumakkel iti naespirituan, agsurat ka kadakami.

Nagan _______________________________

Pagtaengan ___________________________

[ Christian Helps Ministry (USA) ] [ Christian Home Bible Course ]