GOD I LAIK YU SAVE LONG DISPELA 4-PELA SAMTING

    -------------------------------------------------
1 Yu no inap i go long heven, God yet i mas
  kisim bek yu.

Yumi olgeta man yumi bin mekim sin, na yumi no
inap long kisim glori bilong God.     Rom 3:23

Yumi olgeta yumi oslem sipsip i go lus. Yumi wan wan
yumi bihainim hanrot bilong yumi yet.     Aisaia 53:6

Olgeta man i mas i dai wanpela taim tasol, na bihain
long dispela ol i save kamap long kot.   Hibru 9:27

Pasin bilong sin em i givim pe long wokboi bilong en.
Dispela pe em dai tasol.                   Rom 6:23

Sapos man i no kamap nupela gen, em i no inap lukim
kingdom bilong God.                         Jon 3:3

Samting bodi i karim, em i bodi. Na samting Holi Spirit
i karim, em i spirit.                         Jon 3:6

    -------------------------------------------------
2 Yu no inap kisim bek yu yet.

Man i bihainim wanpela rot na i ting em i gutpela rot,
tasol bihain bai dispela man i bagarap olgeta.
                                        Provep 14:12

God i no ting long man i bihainim lo, na long dispela
em i kolim em i stretpela man.           Galesia 2:16

Yupela i bilip long Krais na long marimari bilong God
tasol, God i kisim bek yupela. Dispela em i no sam-
ting yupela yet i mekim. Nogat. God i givim nating
long yupela. Em i no olsem pe bilong wok yupela i
mekim. Olsem na i no gat wanpela man em inap
litimapim nem bilong em yet.      Efesas 2:8-9

Jisas i tok, "Mi yet mi rot, na mi as bilong tok tru, na
mi as bilong laip. I no gat wanpela man i kamap long

Papa long narapela rot. Nogat. Long mi tasol." Jon 14:6

I no gat narapela man inap long helpim yumi. Long
olgeta hap graun God i no soim narapela nem long
yumi, bilong em i kisim bek yumi.     Aposel 4:12

    ---------------------------------------------
3 God i wokim rot pinis bilong kisim bek
  yumi.

God i no makim yumi bilong kisim belhat bilong em.
Nogat. Em i makim yumi bilong Jisas Krais, Bikpela
bilong yumi, em i ken kisim bek yumi. Bipo em i dai
bilong helpim yumi.            1 Tesalonaika 5:9-10

God i gat wanpela Pikinini tasol i stap. Tasol God i
givim bel moa yet long olgeta manmeri bilong graun,
olsem na em i givim dispela wanpela Pikinini long ol.
Em i mekim olsem bilong olgeta manmeri i bilip long
em ol i no ken lus. Nogat. Ol i ken kisim laip i stap gut
oltaim oltaim.                                  Jon 3:16

Bikpela i bin putim sin bilong yumi olgeta long em na
em i karim.                               Aisai 53:6

Krais i dai wanpela taim tasol bilong tekewe sin: Em
i stretpela man na i senisim yumi man nogut, bilong
bringim yumi i kam long God.            1 Pita 3:18

God i save givim nating presen long yumi, em laip
bilong i stap oltaim. Dispela laip yumi kisim long wok
bilong Jisas Krais, Bikpela bilong yumi.     Rom 6:23

    -------------------------------------------------
4 Bikpela Jisas em inap kisim bek yumi na
  lukautim yumi.

Olsem na em inap long kisim bek ol manmeri i kam
klostu long God long nem bilong em, na bai ol i stap
oltaim oltaim. Long wanem, em i stap laip oltaim, na
em i save beten long God i helpim ol.    Hibru 7:25

God em inap long lukaut gut long yupela na bai yupela
i no pundaun. Em inap long bringim yupela i kamap
long glori bilong em. Bai yupela i no gat asua, na
yupela i gat bikpela amamas tru.            Jut 24

Em yet i bin karim pen long olgeta traim i kamap long
em. Olsem na em inap long helpim ol man i gat traim
i kamap long ol.                        Hibru 2:18

Sapos wanpela man i stap long Krais, orait God i wokim
em i kamap nupela man tru. Olpela pasin i pinis olgeta.
Harim gut! Nupela pasin i kamap pinis. 2 Korin 5:17

Olsem na Yu mas tanim bel

Nau God i tokim olgeta man long olgeta ples, 'Yupela
i mas tanim bel.'                      Aposel 17:30

Yu mas bilip

Yu bilip long Bikpela Jisas, na bai God i kisim bek yu,
na yu bilong em. Na famili bilong yu tu olsem.
                                       Aposel 16:31

Yu mas autim ol sin bilong yu long God

Sapos yumi autim sin bilong yumi, orait bai God i no
lusim yumi. Nogat. Bai em i mekim stretpela pasin na
lusim sin bilong yumi, na em i tekewe olgeta pasin
nogut na bai yumi kamap klin.            1 Jon 1:9

Yu mas autim bilip bilong yu long ai bilong ol
manmeri

Sapos long maus bilong yu yu autim tok bilong Jisas
em i Bikpela, na sapos long bel bilong yu yu bilip long
God i bin kirapim bek em long matmat, orait bai God
i kisim bek yu. Yes, long bel yumi save bilip na God
i kolim yumi stretpela man. Na long maus yumi save
autim bilip bilong yumi na God i kisim bek yumi.
                                       Rom 10:9-10

[Christian Helps Ministry (USA)] [Christian Home Bible Course]