Dalawang URI NG KAMATAYAN Ni Paul Levin "At kayo'y binuhay Niya, nang kayo'y mga patay dahil sa inyong mga pagsalangsang at mga kasalanan." (Efeso 2:1). Ikaw ba'y binuhay na? Hindi ang, kailan ka umanib sa iglesia, nagpakabuti na, nangumunyon o nagpunyaging gumawa ng magaling, kundi -- kailan ka ipinanganak na muli? Hindi pa ba? Kung gayon IKAW AY PATAY! Halimbawa'y may isang kabaong sa ating hara- pan, at sa loob noon ay ang katawan ng isang taong namatay. Siya ay patay sang-ayon sa laman; ikaw ay patay ayon sa espiritu. Siya ay nahiwalay sa sanglibutang ito; ikaw ay nahihiwalay sa Dios. Iyong sasabihing, "Wala akong pakiramdam na ako ay patay." Gayon din ang patay sa loob ng kabaong. Ang iyong pakiramdam ay walang kaug- nayan doon. Hindi mo kailangang "maram- damang" ikaw ay patay upang maging patay. Ang bangkay ay patay "sa loob ng kabaong." Ikaw ay patay "sa mga kasalanan." Ikaw ay likas na

makasalanan. Ang ilan ay katutubong Filipino. Ang iba ay katutubong mga Aleman, mga Amerikano, o kaya'y mga Hapon. Datapwa't ang LAHAT ng tao ay makasalanan, "katutubong mga anak ng kagalitan" (Efeso 2:3). Katutubo mo ang magkasala tulad din naman ng isda na katutubo niya ang paglangoy sa tubig. "Ang lahat ay nan- gagkasala nga, at hindi nangakaabot sa kaluwalhat- ian ng Dios" (Mga Taga Roma 3:23). Aking kaibi- gan, Ikaw ay isang nahatulang makasalanan sa harap ng Dios. Iyong sasabihing, "Wala naman akong masasamang pag-uugali." Gayon din ang patay sa kabaong. Siya ay hindi nagbubulaan, hindi nag- nanakaw, hindi nanunumpa, at hindi nagsusugal. Walang masama sa kaniya, maliban sa isang bagay--siya ay patay. Ito ay malubha. Kanilang inililibing ang bangkay. Nabubuhay ka ng may kalinisan sa harap ng mga tao? Walang gaanong kasamaan sa iyo, mal- iban na--ikaw ay isang patay, nawawala! at patun- go sa libingang inihanda ng Dios, sa impierno, at doon mo gugugulin ang walang hanggan. Kaibigan, kung gayon ang iyong kalagayan sa harap ng Dios ay makalilibong malubha kaysa sa iyong inaakala. Kausapin mo ang isang bangkay tungkol sa masasarap na pagkain, o kaya'y sa mabuting pangingisda sa isang magandang dagat, nguni't walang kibo. Siya ay patay, o NAHIHIWALAY sa mga kasayahan at kaaliwan ng buhay na ito. Kung kausapin ka tungkol sa isang pag-aaral sa Biblia at sa mga pagtitipon sa pananalangin, sa iyo ay walang maririnig na kasagutan. Kung ikaw man ay nakadadalo sa isang pagtitipon sa pananalangin ay wala kang kasiyahan, manapa'y pinagtitiisan mo ito. Ikaw ay nahihiwalay sa mga kagalakan at mga pagpapala ng buhay Cristiano tulad din ng bangkay 2

na hiwalay sa mga bagay ng sanglibutan. Wala siyang pagnanais na kumain. Ikaw man ay wa- lang panglasa sa Biblia. Siya ay hindi maaaring magsaya sa mga bagay na ukol sa buhay na ito. Ikaw naman ay hindi maaaring magsaya sa mga bagay na ukol sa buhay espiritual. Tumutungo ka sa sambahan sa dahilang ito ay isa sa iyong mga "katungkulan". Hindi sa dahilang ikaw ay mag- tatamo ng pagpapala sa pakikinig ng Salita ng Dios na naipaliwanag. IKAW AY NANGANGAILANGAN NG BUHAY! Upang masiyahan sa mga bagay na ukol sa buhay na ito, ang bangkay ay nangangailangan ng buhay o hininga. Upang masiyahan sa mga bagay na ukol sa espiritu, ikaw ay nangangailangan ng buhay espiritual. Isang dalaga ang nagsabi sa akin. "Ang kinakailangan lamang upang maligtas ay ang ipamuhay ang buhay." Ako ay sumagot, "Binibini, ikaw ay hindi maaaring makapamuhay malibang magkaroon ka muna ng buhay." Ang tanging makapagbibigay buhay sa isang bangkay ay ang Panginoong Jesus. Walang sama- han o nilalang na makagagawa nito. Walang igle- sia, walang simbahan o relihion na makapagbibi- gay ng buhay espiritual. Walang sinoman kundi ang Panginoong Jesus lamang. Ang bangkay ay hindi makapagbubuhay ng kaniyang sarili. Gayon din hindi mo maaalis ang iyong sarili sa kamatayang espiritual. Maaaring binyagan natin ang bangkay at isulat ang kaniyang pangalan sa aklat ng simbahan, ngu- ni't yaon ay hindi makapagbibigay buhay sa kaniya. Kaya nga, ikaw ay maaaring umanib sa iglesia, mabinyagan, mangumunyon, nguni't mal- ibang ikaw ay "buhayin" ng Espiritu Santo ay nananatili kang isang bangkay. PAKAISIPIN 3

MO ITO! NAWAWALA! gayon man marahil ay naging relihioso ka sa buong buhay mo. Hindi ang relihion ang iyong kinakailangan, kundi BUHAY. ANG BUHAY AY NASASA ISANG NASUGATAN NA NGAYO'Y NASA KANANG KAMAY NG DIOS! "Ang kabayaran ng kasalanan ay kamatayan; datapwa't ang kaloob na walang bayad ng Dios ay buhay na walang hanggan kay Cristo Jesus na Panginoon natin" (Mga Taga Roma 6:23). Ang kaligtasan ay nasasa Panginoong Jesucristo. Siya, ang ganap na Dios at ganap na tao ay tumungo sa krus ng Kalbario upang "lasapin Niya ang kamatayan dahil sa bawa't tao" (Hebreo 2:9). Kaniyang ibinuhos ang kaniyang mahalagang dugo upang mailaan Niya ang kapatawaran at paglilinis sa kasalanan (Hebreo 9:22). "Sapagka't si Cristo man ay nagbata ring minsan dahil sa mga kasalanan, ang matuwid dahil sa mga di matuwid, upang tayo'y madala Niya sa Dios" (I Pedro 3:18). Nguni't hindi lamang yaon. Siya ay nagbangon sa libingan, nagtagumpay sa kasalanan, kamatayan at impierno. Ngayon Siya ay nakaupo, bilang Dios-Tao, sa Kaniyang nagbangong mag-uli at maluwalhating katawang laman at buto, sa kanang kamay ng Ama (Hebreo 1:3 - 8:1). Siyang pinadakila na sa harap Niya ang bawa't tuhod ay luluhod at bawa't dila ay magpapahayag na Siya ang Panginoon, sa ikaluluwalhati ng Dios Ama (Filipos 2:9-11). Ang buhay na walang hanggan ay nasasa KANIYA. "Ito ang patotoo, na tayo'y binigyan ng Dios ng buhay na walang hanggan, at ang buhay na ito ay nasa Kaniyang ANAK" (I Juan 5:11). 4

Nasa iyo ba ang ANAK? Hindi ang paniwalaan lamang ng sinasabi ng Biblia tungkol sa Kaniya, ang makapagliligtas. Ang kaligtasan ay wala sa "kasulatan" TUNGKOL SA KANIYA, kundi ang kaligtasan ay NASASA KANIYA. Maaari mong tanggapin ang "kasulatan" tungkol sa Kaniya, at paniwalaang ito ay totoo at sa sandali ring yaon ay itakwil Siya, at mabuhay ng paghihimagsik laban sa Kaniya. Maaari kang tumungo sa impierno kahit naniniwalang ang Biblia ay totoo. Ang kalig- tasan ay hindi ang paniniwala lamang sa mga kato- tohanan, kundi ang pagtanggap sa ANAK. "Ang kinaroroonan ng ANAK ay kinaroroonan ng buhay" (I Juan 5:12). MAAARI MONG MALAMAN NA IKAW AY LIGTAS! Ikaw ay maaaring maligtas sa sandali ring ito kung iyong tatanggapin Siya na iyong Panginoon at Tagapagligtas. "Ang lahat ng sa KANIYA'Y NAGSITANGGAP, ay pinagkalooban Niya sila ng karapatang maging mga anak ng Dios" (Juan 1:12). Sa iyong pagtanggap sa Kaniya ay tata- muhin mo Siya, at kung Siya ay nasasa iyo, ikaw ay may, sang-ayon sa pangako ng Dios, buhay na walang hanggan. "Ang sumasampalataya sa ANAK AY MAY BUHAY NA WALANG HANGGAN" (Juan 3:36). "Katotohanan, kato- tohanang sinasabi Ko sa inyo, ang dumirinig ng Aking salita at sumasampalataya sa Kaniya na nag- sugo sa Akin, ay MAY BUHAY NA WALANG HANGGAN, at hindi mapapasok sa paghatol, kundi LUMIPAT NA sa KABUHAYAN mula sa KAMATAYAN" (Juan 5:24).    Tiyakin mong ikaw ay kinaroroonan ng ANAK, sapagka't "ang KINAROROONAN ng ANAK (hindi ng relihion o mabubuting mga gawa) ay KINAROROONAN NG BUHAY" (I Juan 5

5:12).   Tanggapin mo Siya ngayon.   Bukas ay maaaring maging huli na. --o--    Aking nadama ang pangangailangan ng Bagong Kapanganakan. Ngayon ay matapat kong tinatang- gap ang Anak ng Dios na nagbangon sa mga patay, ang Panginoong Jesucristo, na aking Panginoon at Tagapagligtas, nagtitiwala sa Kaniya na lilinisin ang lahat kong mga kasalanan. Ako ay maninindi- gan sa Kaniyang pangakong, "Ang kinaroroonan ng Anak ay kinaroroonan ng buhay," at kung magkakaroon ako ng pagkakataon ay aking ipaha- hayag Siya sa harap ng mga tao na aking Panginoon.    Pangalan......................................    Tirahan.......................................    Para sa WALANG BAYAD na maliit na aklat na makatutulong sa iyo, sumulat: This Tract and Others Free as the Lord Provides Order from: BIBLE TRACTS, Inc. P.O. Box 588, Normal, IL 61761-0588 U.S.A. 2 Kinds of Death -- Tagalog, Philippines No. 62 TG

[ Christian Helps Ministry (USA) ] [ Christian Home Bible Course ]