"Mi Gat Planti Taim"
Wanpela yangpela meri nem bilong em Maria, em i
gat 19-pela krismas. Sampela lain i bin askim em long i
kam harim mi autim tok long tanim bel na kisim
Kraist.
Em i tok, "Mi no gat taim nau, na tu mi gat planti
taim long tingting long dispela."
Long nait bihain taim mi wok long autim tok, Maria
i bin raun long wanpela ka. Dispela ka i bin bamim
narapela ka na Maria i bin i dai pinis.
Man i mas pret long dispela tok, "Mi no gat taim
nau!" Maria i bin tok mi no gat taim long tingting long
God, o indai, o kot, o oltaim oltaim, o soul bilong em yet!
"Mi gat planti taim long tingting long dispela." Em i
no save taim em i autim dispela tok em i gat sampela
aua tasol na bai em i dai.
God I Toksave "Olgeta man i mas i dai wanpela taim tasol, na bihain ol i mas
kamap long kot." (Hibru 9:27)Yumi no inap save wanem taim laip bai i pinis. Planti taim indai i save kam kwiktaim tru. Nogut bai yu no inap harim dispela toksave gen. Nogut bai yu no inap ritim narapela pepa olsem dispela. "Yu no ken toktok planti long tumora, long wanem, yu no save wanem samting bai i kamap long tumora." (Provep 27:1) Wanpela de klok bilong yu bai i dai pinis na bai yu no gat taim long tanim bel na kisim Kraist. Taim ol pren bilong yu i krai long matmat bilong yu, BAI SOUL BILONG YU I STAP WE? Dispela em i samting yu mas stretim wantaim Bikpela Jisas Kraist. Em i laikim yu tumas. "Kraist i lusim laip bilong Em yet bilong baim bek olgeta man." (1 Timoti 2:6) Em i bin kirap bek gen long indai bilong kisim bek yu. Jisas yet em i rot God i bin makim long i go long Heven. "Em inap long kisim bek ol manmeri i kam klostu long God long nem bilong Em." (Hibru 7:25) "I gat wanpela namelman tasol i sanap namel long God na man, em dispela man Kraist Jisas." (1 Timoti 2:5) Yu inap kisim laip oltaim NAU sapos yu kisim KRAIST. Plis mekim olsem nau. Sapos yu bilip tru long bel bilong yu na prea wanpela beten samting olsem dispela, bai God i kisim bek yu oltaim oltaim. "Mi save mi wanpela sinman. Mi save sapos mi no kisim Kraist, wanpela de bai mi lus long hel. Nau mi laik askim Bikpela Jisas Kraist long kisim bek mi. Long strong bilong Em bai mi lusim ol sin pasin long laip bilong mi na bai mi telimautim dispeia gutnius long ol arapela. Emen" Sapos yu bin prea long kisim Kraist na yu laik kisim sampela arapela pepa i gat tok long helpim yu, orait raitim nem bilong yu long dispela lain na salim i kam long mi. Man in raitim: Paul J. LevinNem ___________________________________________________________
P.O. Box ________________ Yu Gat Hamas Krismas? ___________________
Taun ________________________ Province ___________________________
HARIM! PLIS NO KEN RAITAM NEM LONG DISPELA HAP SAPOS
YU NO BIN KISIM JISAS KRAIST.
(Sapos yu laik kisim sampela moa long dispela kain pepa yu ken salim
pas i kam long dispela adres. Plis rait long Inglis.)BIBLE TRACTS, Inc. / P.O. Box 588
Normal, Illinois 61761-0588 USAGivim dispela pepa long wanpela wantok long em tu i ken ritim.
Code #50PG
[ Christian Helps Ministry (USA) ] [ Christian Home Bible Course ]