GAYYEM, NO PUDNO TI PAGSARITAAN MABALIN NGA TI PAGTAKTAKLINAM WENNO PAGTALTALKAM KET PALSO!

MASAPUL NGA ADDAKA ITI PUDNO Mabalin kadi a ti maysa a tao ket liklikanna ti dalan a mapan idiay impierno ket magna iti dalan a mapan idiay langit babaen iti panagtalek iti naimbag nga at-aramid wenno relihiy on? Maagasan kadi iti sakit ti tiyan mo no uminom ka iti uray ania man nga klase ti medisina? Saan a gapu nga sitatalged ka nga ti naguneg iti maysa nga botelya ket medi- sina nga isun ti makaagas kenka! Masapul ngarud nga ti naguneg iti botelya nga ig- iggamam ket naglaun iti medisina nga umdas para iti sakit mo. Gayyem, kasta met iti pannakaisalakan. Masapul nga iti pagtaktak- deram ket isu ti pudno! No ti maysa a tao ket maisalakan babaen iti naimbag nga ar-aramid, nadalus a panag- biag, panagbautisar, panagkamang iti iglesia wenno panagbalin nga diakono, wenno panag-miembro iti "choir" ti iglesia (nasa- yaat amin dagitoy), ti Sao Ti Dios ket saan a pudno agsipud ta kinunana iti Efeso 2:8-9:" . . . Ti pannakaisalakan ket sagut ti Apo, saan a gapu iti ar-aramid tapno ti tao saan nga agpasindayaw." Iti pay Tito 3:5 kinuna- na: ". . . Saan a gapu iti nalinteg nga ar-ara- midtayo, no di ket gapu iti asina naisalakan- tayo.:: Babaen kadagitoy dua a versikulo, mabalin kadi nga ma-addaan ka iti namnama a malik- likam ti impierno ket mapan ka idiay langit babaen iti naimbag nga ar-aramid ken reli- hiyon mo? Gayyem, ni Apo Dios ket ay- ayatennaka. Patiem ken surotem ti Sao Ti Dios. Saan mo nga ikankano ti ania man nga kapanunutan wenno sasaoen dagiti agingku- kuna nga lideratos iti nadumaduma a reli- hiyon a mangiwarwaragawag nga umanayen

iti naimbag nga ar-aramid tapno maisalakan ka. Amirisem ken anagem dagitoy a panangi- yadayo kenka ni Satanas iti pudno babaen iti Sao Ti Dios ken ti mensahe nga Isu laeng ti pagtakderam! MASAPUL MET NGA MAIYANAK KA A MABALBALIWAN No agsangsanggir ka iti relihiyon mo wenno bukod mo nga pannakabalin kasla ka agsang- sanggir iti narupsak a pagbatayan nga awan kamamaeyanna. Gayyem, awisen ka nga ag- riing iti pudno! Kinuna ni Apo Jesu-Kristo: "Masapul nga maipasngay ka a mabalbali- wan!" Naiyanak ka kadin a nabalbaliwan? Ti saludsud mo: "Kasano a maipasngayak a mabalbaliwan?" Masapul nga aklonem a sika ket maysa a managbasol, agbabawi ka kada- giti basbasol mo ket awatem ni Apo Jesu- Kristo a kas Mannubbot wenno Mangisala- kan mo. Aramidem itan a kanito amangan laeng no maladaw ka a kas daydi nabaknang a lalaki iti Lukas 16:32. Idi makapagpanunut ken na-amiris na iti pudno addan idiay im- pierno ket naladaw unayen. Adda maysa a lalaki a nagkuna: "Maysa-ak nga nangidadaulo iti panagadal ti Biblia iti baet ti dua a tawen ngem bayat kadagitoy a tiempo saanak nga naisalakan. Itay laeng nabiit, dua a bulan laeng ti napalabas nga naammoak ti pudpudno nga dalan ti panna- kaisalakan." Daytoy nga lalaki ket nagriing iti pudno sakbay nga adda pay iti gundaway na nga agbabawi kadagiti basbasol na ken awaten na ni Apo Jesu-Kristo a kas Mangi- salakan na. Uray ania man ti napadasam, gayyem, no saan ka pay a nabalbaliwan nga naiyanak baben iti pammati iti Anak Ti Dios, nga Isu natay ken nagungar ket Isuna addan

idiay makannawan Ti Ama, dayta nga napa- dasam ket maysa laeng nga relihiyon. Saan nga umdas dayta nga napadasam ken pagtak- takderam. Awan pagmamaeyanna. Matay kanto ken mapukaw to met dayta kararuam idiay impierno. TI PANNAKAISALAKAN KET MASARA- KAN LAENG KEN NI APO JESU-KRISTO NGA ISU NA KET NASUGATAN PARA KADAGITI BASBASOL TAYO KET ADDA ITAN IDIAY MAKANNAWAN TI DIOS AMA Ni Apo Jesu-Kristo ket Isu laeng ti nagballi- gi iti basol, patay ken impierno ket kalpasan ti ipupusay na idiay krus, nagungar nanipud ken patay ket nagsubli iti sidong ti Dios Ama. Isu na ket addaan iti bagi a naglorian ket sidadaan nga mangibabaet para kadagiti mamati kenkuana. Ni Apo Jesu-Kristo ti maymaysa a dalan ti pannakaisalakan. Saan a ti relihiyon wenno panagmiembro iti iglesia. No awan ni Apo Jesu-Kristo kenka uray ania man ti adda kenka ita, awan pay laeng kenka iti pannakaisalakan! Ni Apo Dios indatonna ti Bugbugtong nga Anakna para kenka. Mabalin mo Isuna nga awaten dita pusom wenno saan. Ngem ti pangngeddeng ket adda kenka. No ania ti aramidem ken Jesu-Kristo, dayta laeng ti mangiturong kenka ti pagtungpalam. Saan nga iti panagmiembro iti maysa nga iglesia wenno iti relihiyon mo. No ania ti aramidem ken ni Apo Jesu-Kristo, awatem Isuna wenno saan, dayta ti mangngeddeng no mai- salakan ka wenno saan wenno mapan ka idiay langit wenno impierno. Gayyem, awisen ka nga ibagam itan ken ni Apo Jesu-Kristo nga awatem Isuna a Mannub- bot wenno Mangisalakan mo. Agtalekka

laeng Kenkuana a mangugas kenka kadagiti basbasol mo ket babaen laeng iti parabur ti Dios agbiag ka para Kenkuana ken ipaduyak- yak mo met Isuna iti sangngoanan dagiti tao. Tapno mapapigsa dayta pammatim ken ni Apo Jesu-Kristo awisen ka met nga basaem dagiti sumaganad nga versikulo: I Juan 5:11-12 - -"Daytoy ti pammaneknek nga ti Dios inikkanna tayo ti biag nga agna- nayon, ket daytoy a biag adda iti Anakna. Ti agikut iti Anak adda biagna, ket ti saan nga agikut iti Anak Ti Dios awan kenkuana daytoy a biag." Juan 5:24 - -"Pudno, pudno, Kunak kada- kayo, ti dumngeg kadagiti saoek ken mamati iti nangibaon Kaniak ket adda biagna nga agnanayon ket saanen nga maukom no di ket immalis manipud ken patay iti biag." --Insurat ni Paul J. Levin TI DESISYON KO Nabigbig ko ti kasapulak nga masapul a mai- yanak a mabalbaliwan. Ita met laeng a kanito, awatek a sipupudno ditoy pusok ni Apo Jesu-Kristo a kas Mannubbot ken Mangisalakan ko. Agtakderak iti karina nga no siasinnoman nga adda Kenkuana ket adda biagna nga agnanayon ket no maaddaannak ti gundaway ipaduyakyak ko met Isuna iti sangngoanan ti dadduma a tao. N A G A N ______________________________ P A G TA E N G A N ______________________

(Impatarus iti Ilokano ti CDPM ken MARA- NATHA MINISTRIES, INC. 58 General Malvar Street, Laoag City, Philippines 0301. Amin nga versikulos ket naadaw iti Ilokano Naimbag a Damag Biblia.) DAYTOY NGA BABASAEN KET LIBRE. NO KAYAT YO TI MAADDAAN ITI SABALI NGA POLYETO A KAS DAYTOY, AGSURAT KAYO LAENG IDIAY: BIBLE TRACTS, INC. BOX 588, NORMAL, ILLINOIS 61761 - 0588 U.S.A.

[ Christian Helps Ministry (USA) ] [ Christian Home Bible Course ]